Жас ұрпақтың санасына ана тілінің қадір-қасиетін сіңіре отырып, білім мен тәрбие көзі болу және адамгершілікке, еңбекке баулу, дүниетанымын қалыптастыру мақсатында жасалған маңызды қадамдардың бірі – «Қазақстан» РТРК» АҚ құрамындағы "balapan" телеарнасының ашылуы. Еліміздегі балаларға арналған тұңғыш және жалғыз арна өз жұмысын 2010 жылдың 27 қыркүйегінде бастады. Сол уақыттан бері оқу-танымдық, спорттық, ойын-сауықтық, анимациялық және интеллектуалдық тележобаларды жарыққа шығарып, әр баланың сенімді серігіне, рухани жетекшісіне айналды.